Бугун ижтимоий тармоқларда дарёда сузиб юрган катерлар тўқнашиб кетгани акс этган видеолар тарқалди. Ҳолатга Наманган вилояти ФВБ муносабат билдирди.
Унга кўра, 2026 йил 23 август куни соат 19:55 да Тўрақўрғон тумани Гулқишлоқ МФЙ ҳудудидан оқиб ўтувчи «Сирдарё» дарёсида катерлар тўқнашуви содир бўлган.
Маълум қилинишича, катерлар сайр учун ҳаракатланаётган бўлган.
Тўқнашув оқибатида бир киши воқеа жойида ҳалок бўлган. Яна бир фуқаро тан жароҳатлари билан шифохонага олиб кетилган, бироқ у ерда вафот этган.
Ҳозирда ҳолат юзасидан масъул идоралар томонидан терговга қадар суриштирув ишлари олиб борилмоқда.
Изоҳ