Ўзбекистонда 18 октябргача қуруқ ва илиқ об-ҳаво кутилмоқда

Ўзбекистон ҳудуди бўйлаб ушбу кунларда қуруқ ва илиқ об-ҳаво сақланиб қолади. Ҳарорат кечалари 10–15 даража, кундуз кунлари 22–27 даража бўлади.

Шимолий ҳудудларда 17–18 октябрь кунлари кечалари 5–10 даража, кундузи эса 18–23 даража атрофида ҳарорат кузатилади.
Шамол шарқдан 7–12 м/с тезликда эсади.

Тоғли ҳудудларда 16 октябрь куни ёғингарчилик кутилмайди. 17–18 октябрь кунлари айрим тоғ олди ва тоғли ҳудудларда ёмғир ёғиши, баланд тоғларда эса қорга айланиши мумкин.

Тошкент шаҳрида 16–18 октябрь кунлари ёғингарчилик кутилмайди. Шамол шарқдан 3–8 м/с тезликда эсади. Ҳарорат кечалари 12–14 даража атрофида бўлади. Кундузи 16 октябрь куни 24–26 даража, 17–18 октябрь кунлари эса 22–24 даража илиқ кузатилади.