Партиялар мамлакатда ҳаво билан боғлиқ вазиятни яхшилаш бўйича кўрилган чора-тадбирларга қарамай, экологик муаммоларни фақат маъмурий чекловлар ва комиссия қарорлари билан ҳал қилиб бўлмайди, деб ҳисоблайди.
Партиялар баёнотларида қайд этилишича, бу жараёнда қонун устуворлиги ва жазо муқаррарлиги принципи ҳал қилувчи аҳамиятга эга.
Шу муносабат билан партиялар узоқ муддатли истиқболда экологик хавфсизликни таъминлаш бўйича ташаббусларни илгари сурди.
"Адолат" партияси ташаббуси
1. Жавобгарлик чораларини кучайтириш
- Табиатни муҳофаза қилиш қонунчилигини кучайтириш;
- Дарахтларни ноқонуний кесиш, яшил ҳудудларни йўқ қилиш, ҳаво ва сувни ифлослантирганлик учун жарималарни ошириш;
- Экологик жиноятлар учун жиноий жавобгарликни (озодликдан маҳрум қилишгача) жорий этиш.
2. Дарахтларни ноқонуний кесиш ва қуришга қарши курашиш
- Дарахтларни нобуд қилишни оғир жиноят деб топиш.
3. Жамиятнинг иштироки
- Аҳоли ўртасида кенг маърифий тарғибот ишларини олиб бориш.
Экологик партия ташаббуслари
1. Бошқарув ва мувофиқлаштириш
- Экология бўйича махсус комиссия билан ҳамкорлик;
- Экологик рейдлар учун партия махсус штабини тузиш;
- Жамоатчиликни доимий равишда хабардор қилиб бориш.
2. Илмий ёндашув
- Илмий ечимларни ишлаб чиқиш учун олимларни ("Олимлар корпуси") жалб қилиш.
3. Экологик маърифат
- Аҳоли ва бизнеснинг экологик саводхонлигини ошириш дастурини ишлаб чиқиш.
4. Қонунчилик ислоҳотлари
- Экологик ҳуқуқбузарликлар учун жавобгарликни кучайтириш бўйича қонун лойиҳаларини ишлаб чиқиш;
- "Экологик мониторинг тўғрисида"ги қонун устида иш бошлаш.
5. Тескари алоқа
- Фуқаролар мурожаатлари учун "Ишонч телефони"ни фаоллаштириш.
"O‘zLiDeP" ташаббуслари
1. Ҳаво сифатини яхшилаш
- "Тоза ҳаво - 2030" миллий дастурини ишлаб чиқиш;
- Тошкентда Smog Filtering Towers каби иншоотларни ўрнатиш.
2. Экологик тадбиркорлик муҳити
- Экологик этикага риоя қилувчи тадбиркорлар ҳаракатини қўллаб-қувватлаш;
- "Экологик масъулиятли тадбиркор" лойиҳасини ишга тушириш;
- Бизнесга экологик ёрдам дастури - чиқиндиларни камайтириш, тоза энергияга ўтиш.
3. Экологик транспорт
- Электромобиллар ва тоза транспорт инфратузилмасини ривожлантириш тўғрисидаги қонунни қабул қилиш.
4. Соф энергия
- Кўмир ва мазутдан босқичма-босқич воз кечиш;
- Геотермал ва бошқа қайта тикланувчи энергияларни жорий этиш.
5. Дарахтларни ҳимоя қилиш
- 10 ёшдан ошган дарахтларни кўчириб ўтказишни қонунан тақиқлаш.
Халқ демократик партиясининг ташаббуслари
1. Назоратнинг ижтимоий ва жамоатчилик механизмларини жорий этиш
- Атроф-муҳитни муҳофаза қилиш билан боғлиқ барча соҳаларда ижтимоий мулоқот ва жамоатчилик назоратининг кенг механизмини жорий этиш;
- Экологик ечимларни баҳолаш ва иқтисодиётни модернизация қилиш жараёнларида аҳолининг иштирокини таъминлаш.
2. Махсус комиссиянинг ролини кучайтириш
- Тошкент шаҳрида экологик вазиятни яхшилаш бўйича махсус комиссия ташкил этилишини қўллаб-қувватлаш;
- Комиссия қарорларининг барча давлат органлари, ҳуқуқни муҳофаза қилувчи тузилмалар, ташкилотлар ва фуқаролар учун мажбурийлигини эътироф этиш.
3. Қурилишни назорат қилиш ва чангни камайтириш
- Қурилиш ишларини чеклаш ва қўшимча экологик талабларни жорий этиш;
- Қурувчиларга қурилиш чангини бостириш ускуналарини ўрнатиш мажбуриятини юклаш.
4. Аҳолининг заиф қатламларини ҳимоя қилиш
- Мураккаб экологик вазият шароитида аҳолининг эҳтиёжманд қатламлари, хусусан, болалар ва кексаларни ҳимоя қилиш чораларини жорий этиш;
- Улар учун дам олиш имкониятларини кенгайтириш, шунингдек, тиббий ва ижтимоий хизматлардан тезкор фойдаланишни таъминлаш.
5. Таълим муассасаларида ҳавони тозалаш
- Мактаблар, ўқув аудиториялари ва машғулот жойларида ҳавони тозалаш тизимларини ўрнатиш бўйича чора-тадбирларни амалга ошириш.
6. Иқтисодий ислоҳотларда ижтимоий назорат
- Иқтисодиётни модернизатсиялаш жараёнлари устидан ижтимоий ва жамоатчилик назоратини жорий этиш;
- Технологик ўзгаришлар қуйидагиларни ҳисобга олган ҳолда амалга оширилишини таъминлаш:
• меҳнатни муҳофаза қилиш,
• хавфсизлик талаблари,
• ишлаб чиқаришнинг экологик тозалиги.
7. Депутатлик ва жамоатчилик назорати
- Президент фармонида назарда тутилган чора-тадбирларнинг бажарилиши устидан кенг кўламли парламент, депутатлик ва жамоатчилик назоратини ташкил этиш.
Изоҳ