"Хавфсиз киберҳудуд" тезкор-профилактика тадбирлари доирасида Тошкент шаҳрида жиноий гуруҳнинг беш нафар аъзоси қўлга олингани ҳақида "Киберхавфсизлик маркази" Матбуот хизмати хабар берди.
Қўлга олинганлар Android қурилмалари учун яратилган APK кенгайтмали вирусли дастурларни тарқатиш билан шуғулланган. Улар орқали фойдаланувчиларнинг SMS, қўнғироқ ва контакт маълумотларига эга бўлишган.
Гуруҳ аъзоларининг яшаш жойлари ва мобил қурилмалари кўздан кечирилганда, улар 133 дан ортиқ фуқароларнинг умумий қиймати тахминан 3 млрд сўмга тенг маблағларини ўғирлагани аниқланган.
Шунингдек, мазкур вирусли дастурлар турли давлатлардан бўлган 11 нафар шахс иштирок этган Telegram-гуруҳларга улангани қайд этилган.
Ҳозирда қўлга олинганларга нисбатан ЖКнинг тегишли моддалари билан жиноят иши қўзғатилган.
Изоҳ