Ўзбекистон Ягона миллий баҳолаш стандартига қўшимчалар киритиш тўғрисидаги норматив-ҳуқуқий ҳужжат Адлия вазирлигида давлат рўйхатидан ўтказилди.
Ҳужжатга кўра, 16-сонли "Маданий бойликлар қийматини баҳолаш" Миллий баҳолаш стандарти қабул қилинди.
Эндиликда мамлакатда миллий, тарихий, бадиий, илмий-маърифий ва маънавий аҳамиятга эга бўлган моддий оламнинг кўчар объектлари — маданий бойликларнинг қиймати расман белгиланади. Буларга, хусусан, тасвирий ва амалий санъат асарлари киради.
Баҳолаш қиёсий, даромад ва харажат ёндашувларини қўллаган ҳолда амалга оширилади.
Объектнинг маданий бойликларга мансублигини тасдиқловчи эксперт-санъатшунос хулосаси бўлиши шарт.
Ушбу стандартнинг жорий этилиши маданий бойликларни фуқаролик муомаласига, шу жумладан олди-сотди битимлари, гаровни расмийлаштириш, суғурта ва бошқа турдаги ҳуқуқий муносабатларга фаолроқ жалб қилиш имконини беради.
Изоҳ