Хорижда яшаб, таҳсил олаётган 16 ёшли мактаб ўқувчиси таътилда бувисини кўргани Самарқандга келган. У нафас олишда қийналаётгани учун 1 июль куни қизалоқ бувиси билан вилоят марказий шифохонасига борган. Шифокорлар унга жарроҳлик амалиёти ўтказилиши кераклигини айтишган.
"Учта шифокорни кўрдим. Уччаласи ҳам шу операция қилиш кераклигини айтишди. Бурниси маҳкам эди-ю, салгина қийшиқ экан. Соат 11 ларда операцияга олиб кирди. Кутдим, лекин операция давом этаётганини, набирам ҳали ҳушига келмаганини айтишди. Тахминан бир ярим соат ўтгач, операция бўлимига бир гуруҳ шифокорлар аппарати билан кириб келишди. Шундан сўнг неварамни кислородга уланган замбилда олиб боришди. Назаримда, қиз ўлимдан ўтиб кетаётганга ўхшайди", - деди марҳуманинг бувиси.
Касалхонада айтилишича, операциядан кейин беморнинг саломатлиги ёмонлашган ва у вафот этган.
Вилоят прокуратураси томонидан суд-тиббий экспертиза тайинланди. Ҳозирда терговга қадар текширув ва расмий текширувлар олиб борилмоқда.
Изоҳ