2025–2028 йилларда Ўзбекистонда давлат иштирокидаги йирик корхоналар акцияларини халқаро ва маҳаллий фонд бозорларида жойлаштириш режалаштирилмоқда. Бу ҳақда президентнинг тегишли қарорида маълумот келирилади.
Қуйидаги 12 та давлат иштирокидаги корхона устав капиталидаги акциялар пакетининг халқаро ва маҳаллий фонд бозорларида бирламчи (IPO) ва (ёки) иккиламчи (SPO) оммавий таклифини ўтказиш режалаштирилган.
• "НКМК" АЖ – 10–15% (IPO);
• “Ўзбекистон Республикаси миллий инвестиция жамғармаси” АЖ – 25% (IPO);
• “Навоийурон” ДК – 10–15% (IPO);
• “Uzbekistan Airways” АЖ – 15–20% (IPO);
• "ОКМК" АЖ – 10–15% (IPO);
• “Ўзбекистон миллий электр тармоқлари” АЖ – 10–20% (IPO);
• “Ўзбектелеком” АК – 10–15% (DSP);
• “Ўзбекгидроэнерго” АЖ – 15–20% (IPO);
• “Ҳудудий электр тармоқлари” АЖ – 20–25% (IPO);
• “Ўзтрансгаз” АК – 15–20% (IPO);
• “Uzbekistan Airports” АЖ – 15–20% (IPO);
• “Ҳудудгазтаъминот” АЖ – 15–20% (IPO).
Бирламчи оммавий жойлаштириш Америка компанияси Franklin Templeton Asset Management билан ҳамкорликда амалга оширилади.
Шу билан бирга, давлат активларини хусусийлаштириш ва хусусийлаштириш жараёнларини мувофиқлаштириш бўйича давлат комиссияси томонидан IPO ва DSP орқали сотиладиган акциялар ҳажми, сотиш шакли ва ким ошди савдосини ўтказиш муддатларига ўзгартишлар киритилиши мумкин.
