Қозоғистоннинг Олмаота шаҳри мезбонлик қилган дзюдо бўйича ўсмирлар ўртасидаги Осиё Кубогида Ўзбекистон 29 та медаль билан умумжамоа ҳисобида 1-ўринни эгаллади. Бу ҳақда спорт вазирлиги Матбуот хизмати хабар берди.
Икки кун давомида 3 қитъанинг 9 давлатидан келган 500 нафарга яқин дзюдочи жами 16 та вазн тоифасида (8 та қизлар, 8 та ўсмирлар) медаллар учун баҳс олиб борди.
Ўзбекистон терма жамоаси 8 та олтин, 10 та кумуш, 11 та бронза, жами 29 та медаль билан умумжамоа ҳисобида биринчи ўринни эгаллади.
Ундан кейинги ўринларни Қозоғистон терма жамоаси 5 та олтин, 4 та кумуш, 12 та бронза медали билан иккинчи, мўғулистонлик дзюдочилар эса 2 та олтин медаль билан учинчи ўринни эгаллашди.
Изоҳ