Бугун, 5 июль куни Андижондан Самарқандга келин бўлиб тушган аёл вафот этгани айтилган видео ижтимоий тармоқларга сиздирилди. Ушбу ҳолат юзасидан Бош прокуратура матбуот хизмати раҳбари Ҳаёт Шамсутдинов маълумот берди.
Аниқланишича, 2023 йили андижонлик қиз Самарқанд вилоятига турмушга чиққан. Келиннинг яқинларининг айтишича, марҳума турмуш ўртоғининг хонадонида вафот этган. Маълумотларга кўра, бундан аввал аёл ва унинг турмуш ўртоғи ўртасида ўзаро оилавий келишмовчиликлар бўлиб тургани айтилди.
Самарқанд вилояти Каттақўрғон шаҳар прокуратураси томонидан фуқаро И.И.га нисбатан ЖКнинг 103-моддаси 2-қисми "а" (ўзини ўзи ўлдиришга ундаш) банди билан жиноят иши қўзғатилиб, дастлабки тергов ҳаракатлари олиб борилмоқда.
Изоҳ